Sejdiu: Nuk kemi ndarë poste e as ministri me LDK-në

21:34 | 17 Maj 2017
Arbresh.info

Nënkryetari i AKR-së, Korab Sejdiu ka thënë se me LDK-në është biseduar për dikasterin e ekonomisë para se të arritej marrëveshja, përcjell Arbresh.info.

“Nuk është diskutuar në veçanti madje as posti i presidentit sepse e kemi presidentin. Është biseduar që AKR të jetë motor i aspekteve ekonomike. Është biseduar që programi i AKR-së të përdoret për ekonominë, pastaj është biseduar edhe për fushën e sundimit të ligjit si dhe në mënyrë teknike për radhitjen e deputetëve”, ka thënë ai në emisionin Debat në RTV Dukagjini.

Sejdiu ka treguar se kërkesa e AKR-së ka qenë që të vendosen në bllogje kandidatët për deputetë.

“Ne kemi 22 vende ku numri 2 do të jetë Presidenti Behgjet Pacolli, dhe në dy bllogje nga 10 deputet. Në këtë mënyrë votuesit do ta kenë më të lehtë ti gjejnë kandidatët tanë”, ka thënë ai./Arbresh.info