Google ADS

Rumania përjashton gjyqtarin mashtrues të EULEX-it

19:41 | 1 Mars 2015
Arbresh Info

Gjyqtari i EULEX-it, Gabriel Chifan, ka pranuar se është përjashtuar nga funksioni i gjyqtarit në shtetin e tij, Rumaninë.

Në një përgjigje për KTV-në ai thotë se kishte treguar arsyen e pushimit nga posti i gjyqtarit në Rumani.

KTV-ja ka raportuar javën e kaluar sesi gjyqtari Chifan kishte mashtruar autoritetet rumune, duke kërkuar atje pushim pa pagesë si gjyqtar, për të mos e humbur punën, derisa në Kosovë u angazhua të punojë për EULEX-in.

Për këtë ai është përjashtuar nga detyra e gjyqtarit në vendin e tij. Por, mosdeklarimin e vërtetë të arsyes së pushimit Chifan nuk e sheh si relevante.

Në fakt mediet rumune shkruajnë se rasti është zbuluar verën e kaluar, pasi inspektorët rumunë kishin kryer një kontroll rutinor në Gjykatën e Oradeas, përcjell koha.net. Kjo vërtetohet edhe në uebfaqen e Ministrisë së Drejtësisë, ku kryetar i kësaj gjykate figuron Rus Andrei./koha.net/

Shpërndaje në rrjete sociale

Lajmet më të lexuara

Të ngjashme

Foto lajm