Sipas Institutit Hidrometeorologjik të Kosovës, masat e ngrohta të ajrit të cilat vijnë nga ana jugperëndimore e vendit do të kushtëzojnë një mot me diell dhe vranësira të shpërndara.

Në këto kushte dy ditët e para të javës do të karakterizohen me mot me diell dhe temperatura maksimale nga 16-20 gradë Celsius, kurse minimalet do të lëvizin nga 2-6 gradë Celsius.

Të mërkurën do të ketë masa ajrore nga veriu dhe do të jenë tranzit mbi vendin tonë duke e prishur këtë gjendje termike të motit dhe duke sjellur reshje shiu.

Reshjet do të jenë prezente ditën e mërkurë në pjesët dërmuese të vendit.

“Nga dita e enjte pritet të ketë rënie të vlerave të maksimaleve për 5-8 gradë Celsius, kurse minimalet nuk parashihen të shënojnë vlera negative. Shtypja atmosferike do të mbetet ndjeshëm mbi vlerat e normales. Do të fryjë erë nga jugperëndimi dhe veriu, por dominuese do të mbetet drejtimi jugperëndimor, shpejtësia e së cilës do të arrijë nga 1-7m/s”.