Disa persona janë rrahur mes vete dje në një restorant në Suharekë, ku për pasojë tre prej tyre kanë pësuar lëndime trupore.

Policia ka bërë të ditur se të lënduarit kanë pranuar ndihmë mjekësore, ndërkaq gjashtë të dyshuar janë intervistuar, derisa pesë prej tyre janë dërguar në mbajtje, shkruan Arbresh.info.

Një nga të dyshuarit është liruar në procedurë të rregullt.

“Rr. Skënderbeu, Suharekë 11.01.2024 – 10:30. Raportohet për një rrahje në mes të disa personave në një restorant. Tre viktima meshkuj kosovarë kanë pësuar lëndime dhe kanë pranuar tretman mjekësor, ndërsa gjashtë të dyshuar meshkuj kosovarë janë intervistuar. Me vendim të prokurorit pestë të dyshuar janë dërguar në mbajtje, ndërsa një është liruar në procedurë të rregullt”, shkruhet në raportin e Policisë./Arbresh.info/