Ramush Haradinaj ka dhënë dorëheqje nga posti i kryeministrit të Kosovës pasi u ftua nga Gjykata Speciale. Pas dorëheqjes së tij ka reaguar drejtori i portalit “Arbresh.info”, Rrahim Pacolli i cili i ka dal në përkrahje vendimit të tij.

Pacolli përmes një postimi në Facebook ka thënë se Gjykata Speciale kryekëput është e njëanshme dhe se po vihet në pikëpyetje drejtësia që mund të sjell kjo gjykatë.

“Mos harro Evropë se populli shqiptar është më i madhi dhe autokton, e me Serbinë do të qërohen hesapet shumë shpejt”, tha ai.

Postimi i plotë i Rrahim Pacollit:

Gjykata Speciale kryekëput është e njëanshme. Në Kosovë është kryer gjenocid nga Serbia, e kriminelët po vazhdojnë të jenë në liri e madje edhe në pozita të larta në ushtri. Me ftesën që i është bërë tashmë kryeministrit në dorëheqje Ramush Haradinaj po vihet në pikëpyetje drejtësia që mund të sjellë kjo gjykatë. Pastërtia e Ushtrisë Çlirimtare të Kosovës është vërtetuar edhe në Gjykatën e Hagës e prapë se prapë z. Haradinaj po përndiqet padrejtësisht. Kur do të vihet në vend drejtësia për të vrarët, të përdhunuarit e të zhdukurit në Kosovë?

Mos harro Evropë se populli shqiptar është më i madhi dhe autokton, e me Serbinë do të qërohen hesapet shumë shpejt. RrP