Njohësi i çështjeve kushtetuese, Riza Smaka, ka thënë se nuk mund të ketë Kushtetutë të përkryer ndaj dhe akti më i lartë juridik në Kosovë i miratuar para 11 vjetësh është i tillë.

Smaka në Zonën B ka deklaruar se duhet të ndodhë ndryshimi i Kushtetutës por kjo mund të bëhet në mënyrë graduale pas normalizimit të raporteve mes Kosovës e Serbisë, njofton Klan Kosova.

”Nuk ka dhe nuk ka pasur dhe nuk mund të ketë Kushtetutë të përkryer, prandaj as edhe Kushtetuta ynë e miratuar para 11 vjetësh nuk ishte e tillë”.

”Gjatë aplikimit të saj kanë ndodhur disa çështje problemore që kanë treguar faktin se ka mangësi në të”.

”Bie fjala në nënin 5 thuhet se parimisht gjuhë zyrtare janë Gjuha Shqipe dhe Gjuha Serbishte, do duhej gjuhësisht që nenet dhe vendimet të bëheshin me kujdes më të lartë”.

”…sepse ty jepet definimi i shtetit, Kosova është Republikë, unike e pandashme etj etj. Në ndërkohë futnota u miratua dhe është moment i papresedencë”.

”Neni i 7 thuhet që nuk lejohet asnjë formë e diskriminimit. Shembull zgjedhjet shkelet Ligji i 7-të sepse favorizohen femrat”.

”Propozimi i Ahtisarit ka qenë problematik. Edhe ata që e kanë parë e kanë lexuar kalimthi dhe kanë thënë se do të krijojë situata të vështira”.

”E shof modifikimin e Kushtetutës, duke i tejkaluar disa provizione të propozimit të Martti Ahtisaarit tepër të vështirë”.

”Për tu ndryshuar ato dispozita, do duhej shumica e kualifikuar e deputetëve të Kuvendit dhe shumica e kualifikuar e deputetëve të formacionit serb”.

”Gradualisht me normalizimin e raporteve të ndërsjella Kosovë- Serbi, me njohjen reciproke me demarkimin e kufirit bazuar në kufirin ekzistues, asnjëherë të ndryshuar, do të krijohet një klimë më e fuqishme e mirëkuptimit dhe mirë besimit e tolerancës”.

”Argumentet janë të favorshme për atë që do ta mirëkuptojë që me arsyetime bindëse do të mund të bëhej një ndryshim i Kushtetutës referuar në procedura. Nismën mund ta bëjë presidenti, Qeveria..”, ka përfunduar Smaka.