Rivarrosen katër heronjtë nga Llapi në Varrezat e Dëshmorëve të Kombit në Velani

14:03 | 23 Nëntor 2019
Arbresh.info

Është duke u mbajtur ceremonia e rivarrimit të eshtrave të heronjve nga Llapi, Aftrim Zhitia, Fahri Fazliu e Bahri Fazliu dhe Agron Rrahmani.

Në këtë ceremoni ishte kryetari i PDK-së Kadri Veseli, kryeministri në detyrë Ramush Haradinaj, dhe deputetët e Lëvizjes Vetëvendosje, dhe familjarë të heronjve.

Katër heronjtë u rivarrosen në Varrezat e Dëshmoreve të Kombit në lagjen “Velania” në Prishtinë, nën përkujdesjen e Qeverisë së Kosovës dhe Ministrisë së Mbrojtjes, raporton arbresh.info.

Ndryshe, Qeveria e Kosovës kohë më parë ka miratuar vendimin për rivarrimin e dëshmorëve të kombit dhe propozim-vendimi për rivarrimin e katër heronjve, në varrezat e Dëshmorëve të Kombit në Velani, para festës së 28 nëntorit të këtij viti./arbresh.info