Reshjet intensive të shiut që kanë përfshirë vendin gjatë 24 orëve të fundit kanë vënë në lëvizje autoritetet e Kryeqytetit. Me mbi 25 mm/m² reshje të regjistruara, qytetarët po bëhen thirrje për kujdes maksimal.

Sipas informacioneve zyrtare nga Instituti Hidrometeorologjik i Kosovës (IHMK), situata pritet të mbetet sfiduese edhe në ditët në vijim, pasi reshjet do të vazhdojnë me intensitet të ndryshueshëm.

Rreziqet kryesore që kanosin qytetin: Komuna ka paralajmëruar se mbingarkesa e rrjetit të kanalizimit dhe ujërave atmosferike mund të shkaktojë vështirësi të mëdha.

Pikat më kritike mbeten:

Nënkalimet dhe zonat e ulëta urbane ku pritet grumbullim i ujit.

Qarkullimi rrugor që mund të vështirësohet ndjeshëm.

Rrëshqitjet e dheut në zonat me reliev të ndjeshëm.

Thirrja për qytetarët: Autoritetet apelojnë te qytetarët që të shmangin zonat e përmbytura dhe të tregojnë kujdes të shtuar gjatë lëvizjes. Çdo situatë rreziku duhet të raportohet menjëherë te organet kompetente.

Komuna ka bërë me dije se të gjitha ekipet emergjente dhe institucionet e Kryeqytetit janë në gatishmëri të plotë për të ndërhyrë në çdo moment në terren./Arbresh.info