Rektori i universiteti të Gjilanit, Barjam Kosumi ka mirëpritur marrëveshjen e arritur sot mes SBASHK-ut dhe krerëve të shtetit.

Ai ka thënë se marrëveshja është e kënaqshme për arsimtarët por e pranueshme edhe për qeverinë.

“Edhe pse  ende nuk dihen detajet është lajm i mirë që SBASHKU ka rritu  marrëveshje me qeverinë me kryeparlamentarin dhe kryeministrin po derisa kryetari i SBASHK-ut u deklaruar  i kënaqur duke pasur parasysh rrethanat në Kosovë mendoj që marrëveshja është e kënaqshme për arsimtarët e e pranueshme edhe për qeverinë dhe mësimi do të filloj të hënën”, ka thënë Kosumi për portalin arbresh.info.

Kujtojmë se sot në mëngjes SBASHK-u ka arritur marrëveshje me kryetarin e Kuvendit Kadri Veseli dhe Kryeministrin Ramush Haradinaj për rritjen e pagave në arsim me ç’rast kanë ndalë grevën dhe mësimi do të filloj të hënën./Arbresh.info/