Partia Demokratike e Kosovës ka reaguar pas zgjedhjes se Vjosa Osmanit të krye të Kuvendit të Kosovës.

PDK përmes një komunikate ka bërë të ditur se zgjedhjen e Osmanit në këtë pozitë e kanë mundësuar  votat e Listës Srpska, shkruan arbresh.info.

Në reagim thuhet gjithashtu se pazaret mes LDK-së e VV-së përfunduan në mënyrën më të turpshme

“Partia Demokratike e Kosovës e konsideron të papranueshme thirrjen klandestine dhe pa paralajmërim të seancës për ta zgjedhur kryetaren e re të Kuvendit të Kosovës. Kjo seancë e territ, për të cilën nuk kishte asnjë urgjencë, e thirrur në nga Lëvizja Vetëvendosje e LDK, u mbajt pa praninë e opozitës dhe shënon herën e parë të zgjedhjes së kryetarit të Kuvendit pa asnjë deputet opozitar.

Zgjedhja e kryetares së re, e propozuar nga Vetëvendosje dhe e mundësuar me votat e Listës Srpska është e dëmshme për vendin dhe tregon qartë se qeveria VV-LDK jo vetëm që është në koalicion me Listën Srpaska, por do të jetë e varur plotësisht nga deputetët e këtij formacioni politik dhe nga vullneti i Beogradit zyrtar. Kjo është edhe një dëshmi se ky është koalicion me Vucicin e Radijojicicin dhe sojin e tyre.

Është për keqardhje se ashtu sikurse filluan pazaret politike për karriga në mes të dy partive, ashtu sonte e përfunduan në mënyrën më të turpshme zgjedhjen e kryetares së Kuvendit të Kosovës, e cila pa votat e Listës Srpska sot nuk do të mund të zgjidhje në këtë pozitë”, thuhet në njoftim./arbresh.info/

Vjosa Osmani zgjidhet kryetare e Kuvendit të Kosovës