Reagon Enver Hoxhaj për tollovinë te salla 1 Tetori

09:49 | 14 Maj 2021

Kryetari i PDK-së, Enver Hoxhaj ka reaguar për tollovitë e krijuara tek salla “1 Tetori”, ku po vazhdon vaksinimi për COVID-19.

Hoxhaj përmes një postimi në Facebook shkruan se, është për keqardhje të shohësh prindërit e gjyshërit tanë në këtë gjendje, të dëshpëruar për një vaksinë e cila nuk u erdhi për një kohë të gjatë.

Ky është postimi i plotë i tij:

Është për keqardhje të shohësh prindërit e gjyshërit tanë në këtë gjendje. Të dëshpëruar për një vaksinë e cila nuk u erdhi për një kohë të gjatë, tani të shtyhen me njëri-tjetrin sepse Qeveria nuk ka ditur të organizoj një proces të thejshtë vaksinimi. Kështu, më shumë ekziston rreziku që ata të infektohen me Covid, sesa mundësia që të vaksinohen. Kjo është pasqyra e një qeverisje pa plan e program. Pa dije e përvojë për të ndihmuar qytetarët e saj. E dhimbshme. Shumë e dhimbshme./arbresh.info/