Nënkryetarja e Partisë Demokratike të Kosovës, Vlora Çitaku ka reaguar pas shkarkimit të nënkryetares së Komunës së Prishtinës Donjeta Sahatçiu, e cila vjen nga radhët e PDK-së.

Çitaku ka thënë se shkarkimet përmes Facebook-ut janë më të lehta kur mungojnë argumentet, përcjell Arbresh.info

Tutje, ajo theksoi se përgjigjen e merituar Ramës do t’ia japin zyrtarisht, jo në Facebook.

Postimi i plotë:

Donjetë, une jam krenare me ty. Jam krenare me modelin e angazhimit qytetar e politik qe ti e përfaqëson.

Jam krenare që një grua e re si ti ka vendosë me e vu krejt kapitalin njerëzor, intelektual dhe politik ne shërbim të vendit.

Jam krenare sepse ti je vlere e shtuar per ne si vend.

E këto lojërat e ndyta politike janë posaçërisht të rënda për gratë profesioniste e të pakompremetuara. Shkarkimi përmes Facebook është më i lehtë kur mungojnë argumentet.

Jam krenare që nuk ke pranuar të jesh pjesë e skemave abuzive qoftë me pronat në Badovc, qoftë në procesin e digjitalizimit.

Donjetë, je dhe ke me mbetë faqebardhë. Vetëm përpara.

E Përparimit përgjien e merituar do tia japim zyrtarisht. Jo në Facebook./arbresh.info

Lexo edhe:

Ndryshime në kabinetin e Komunës së Prishtinës, Rama shkarkon nënkryetaren Donjeta Sahatçiu