Ka nisur seanca e shyqrtimit gjyqësor në Gjykatën Themelore në Prishtinë për rastin “Banjska” ndaj tre të akuzuarve serbë: Blagoje Spasojeviq, Vladimir Toliq dhe Dushan Maksimoviq.

Gjatë fillimit të seancës nuk u zbulua identiteti i dëshmitarit që do të dëshmojë, me pretendimin se është dëshmitar i mbrojtur.

Prokurori Special, Naim Abazi propozoi që seanca të jetë e mbyllur për publikun, duke thënë se dëshmia e dëshmitarit Velko Iliq është e ndjeshme, pasi ka të bëj me organizimin.

“Për më tepër ekziston edhe rrezik real për sigurinë e dëshmitari dhe familjes së tij nëse jepet në prani të publikut dhe mediave”, tha prokurori Abazi.

Kërkesa e prokurorisë për seancë të mbyllur u aprovua nga trupi gjykues. Seanca gjyqësore kaloi në seancë të mbyllur gjyqësore, për të vazhduar në ora 10:30.

Të mërkurën në gjykatë ka dëshmuar Rade Nedelkoviq, i cili ishte roje në hotelin “Rajnska Banjska”.

Ndryshe, të tre të akuzuarit përballen me akuza të rënda për përfshirje në ngjarjet e 24 shtatorit 2023 në fshatin Banjska të komunës së Zveçanit, ku një sulm i armatosur ndaj Policisë i së Kosovës çoi në vdekjen e rreshterit Afrim Bunjaku dhe plagosjen e disa pjesëtarëve të tjerë të policisë./ Arbresh.info/