Kryetari i komunës së Deçanit, Rasim Selmanaj ka shpërndarë subvencione mijëra euro vitin e kaluar, ani pse komuna që udhëheq nuk ka një rregullore për këtë punë.

Ketë gjetje e evidentoi Auditori i Përgjithshëm, në raportin për komunën e Deçanit, shkruan Gazeta Fjala. Auditori i Përgjithshëm, në raportin për ketë komunë, gjeti se u dhanë subvencione edhe pa formimin e rregullores se brendshme.

Sipas Auditorit, ndarjet e subvencioneve në këtë komunë janë bërë vetëm me vendim të kryetarit të Komunës.

“Mungesa e rregullores së brendshme për ndarjen e subvencioneve krijon paqartësi në përcaktimin e kritereve se kush mund të jetë përfitues i subvencioneve, deri në çfarë shume dhe për çfarë qëllimesh mund të jepen subvencionet”, vlerëson auditori.

Gjithashtu e rekomandon kryetarin e komunës se “duhet të hartoj një rregullore për subvencione dhe të aprovohet në kuvend, e cila do të specifikonte qartë kriteret dhe procedurat për subvencionim”. /Gazeta Fjala/