Zotimi i Isa Mustadës për ta votuar qeverinë Kurti pa u bërë pjesë e saj duket që do t’i largoj më shumë  Lidhjen Demokratike dhe Lëvizjen Vetëvendosje.

Analisti politik Shkodran Tahiri mendon se VV nuk do ta pranoj propozimin e Mustafës sepse sipas tij do të bllokohen pastaj me votomin e ligjeve.

“Është një nga veprimet taktike të lojës së vazhdueshme të tyre. Secila parti janë duke i bërë ofertat që nuk munden me i pranu tjetra”.

“Këtë ofertë nuk besoj që e pranon Vetëvendosja për shkak që qeverinë  munden me votu e me pas krejt vet por ligjet e secilin vendim që bëhet për me qeverisë nuk mundem me siguru”.

“Ky propozim i Mustafës nuk i afron vetëm ka më i largu”, tha Ramadani për arbresh.info.

Kujtojmë se sot në orën 15:00 do të mbahet seanca e parë e legjislaturës së shtatë  në Kuvendin e Kosovës.

Seanca do të kryesohet nga deputeti më i vjetër në moshë, përkatësisht Jahja Koka, shoqëruar nga deputeti më i ri, në rastin konkret, deputetja Fjolla Ujkani, që të dy deputetë nga Lëvizja Vetëvendosje.

Pikë e parë e seancës do të jetë formimi i komisionit të përkohshëm për verifikimin e kuorumit dhe të mandateve, për t’u pasuar me betimin e deputetëve.

Seanca konstituive do të përmbyllet me zgjedhjen e kryetarit dhe të nënkryetarëve të Kuvendit./arbresh.info/