Kryetari i Prishtinës, Përparim Rama ka bërë të ditur se situata me reshjet e shiut në kryeqytet është nën kontroll.

Përmes një postimi në Facebook, Rama tha se ekipet e kryeqytetit janë vazhdimisht në terren dhe deri tani kanë intervenuar në mbi 40 raste, ndërkohë që situata po monitorohet pa ndërprerje, shkruan Arbresh.info.

Postimi i plotë:

Të nderuar qytetarë,

Në këtë situatë të reshjeve të vazhdueshme në mbarë Kosovën, Kryeqyteti po e menaxhon situatën dhe gjendja mbetet nën kontroll.

Ekipet e Kryeqytetit janë vazhdimisht në terren dhe deri tani kanë intervenuar në mbi 40 raste, ndërkohë që situata po monitorohet pa ndërprerje.

Drejtoria për Siguri dhe Emergjenca po koordinon menaxhimin e situatës në bashkëpunim me ekipet komunale dhe shërbimet përkatëse.

Ju falënderojmë për bashkëpunimin dhe ju bëjmë thirrje për kujdes të shtuar./Arbresh.info