Kryetari i kryeqytetit, Përparim Rama ka bërë të ditur se Prishtina po pozicionohet fuqishëm në hartën globale, duke u vlerësuar për vizionin dhe karakterin e saj unik.

Me anë të një postimi në Facebook, Rama shkroi se Prishtina ishte shembull ndër 120 qytetet e Evropës dhe Arabisë, që morën pjesë në forumin “Arab European Cities Dialogue”, përcjell Arbresh.info

Postimi i plotë:

Prishtina po pozicionohet fuqishëm në hartën globale, duke u vlerësuar për vizionin dhe karakterin e saj unik.
Para kryetarëve të 120 qyteteve të botës Prishtina u vlerësua për vizionin tonë:

Qytetari i parë – një qytet që vendos qytetarin në qendër të zhvillimit të tij!

Arti dhe kultura si motor për rritjen ekonomike – duke i dhënë qytetit një dimension të fuqishëm kulturor dhe ekonomik!

Festivalet si faktori kyç në branding-un e qytetit – duke e shndërruar çdo ngjarje në një promovim global të identitetit dhe vlerave të Prishtinës!

Pata mundësinë të dëgjoj nga kryetarët e Bukureshtit, Amanit, Sarajevës, Madridit dhe Bejrutit përshtypjet e tyre mbi karakteristikat dhe zhvillimin e kryeqytetit tonë.  Prishtina ishte shembull ndër 120 qytetet e Evropës dhe Arabisë, që morën pjesë në forumin “Arab European Cities Dialogue”.

Ne po forcojmë diplomacinë urbane dhe po zhvillojmë ide të reja për të mirën e qytetarëve tanë.  – Ky është vizioni i Prishtinës, që na nevojitet: një qytet i hapur, i zhvilluar dhe një referencë në agjendat globale.

Qytetet nuk presin!

Qytetet udhëheqin!

Qytetet po ndërlidhen!

Qytetet janë fuqia e të tashmes dhe të ardhmes./Arbresh.info