Sot në Tiranë është duke u mbajtur mbledhja e përbashkët e Qeverisë së Kosovës dhe asaj të Shqipërisë.

Mbledhjen e nisi kryeministri shqiptar, Edi Rama, raporton arbresh.info.

Kryeministri Rama në fjalën e tij tha se ambicia e tyre është që të hiqet kufiri mes dy shteteve.

“Ambicia jonë është heqja e kufirit në funksion të zbatimit të 4 lirive të BE-së në rajonin tonë duke nisur nga më e thjeshta dhe më kuptimplota heqja e kufirit mes Shqipërisë dhe Kosovës. Është e rëndësishme që të dyja ministritë e Brendshme e dy qeverive të intensifikojnë punën dhe të krijojnë një database të përbashkët për të mundësuar kontrollin në kohë reale të hyrjeve e daljeve në të gjitha pikat kufitare të perimetrit tonë të përbashkët që do na mundësonte hapjen përfundimtare të kufirit pa humbur asnjë centimetër në frontin e betejës kundër aktiviteteve të paligjshme dhe abuzimit me lirinë e lëvizjes.”/arbresh.info/