Kryetari i Listës Serbë Goran Rakiç, ka paralajmëruar se do të vendosin reciprocitet nëse edhe më 3 prill nuk lejohen mbajtja e zgjedhjeve serbe në Kosove, raporton arbresh.info.

Ai në një deklarim për media të dielën ka kundërshtuar vendimin e Qeverisë së Kosovës për moslejimin e mbajtjes së referendumit të Serbisë për ndryshimet kushtetuese edhe në Kosovë.

” Kërkojmë mbështetjen e bashkësisë ndërkombëtare. Nëse me 3 prill nuk lejohen zgjedhjet e Serbisë atëherë do të vendosin reciprocitet. Qysh po sillet Prishtina do të sillemi edhe ne”, tha Rakiç, pas specifikaur se për çfarë reciprocitetit bëhet fjalë.

Kuvendi i Kosovës të shtunën ka miratuar një rezolutë e cila ndalon mbajtjen e këtij referendumi.

Shtetet e QUINT-it, kishin kërkuar nga Qeveria e Kosovës që të lejojë një gjë të tillë, por ekzekutivi kishte thënë se një gjë e tillë nuk do të lejohet, pasi përbën shkelje të sovranitetit të vendit./arbresh.info/

Lexo edhe

Protestojnë serbët në veri të Mitrovicës, improvizojnë mbajtjen e referendumit