Qorrolli: Deputetët nuk e kuptojnë parimin themelor të demokracisë, përplasën për rastin e Etem Arifit

14:52 | 12 Maj 2020
M. A.

Vigan Qorrolli, profesor i së Drejtës Ndërkombëtare, njëherësh analist politik ka komentuar përplasjen e deputetit Driton Selamanaj me kyreparlametnaren Vjosa Osmani për rastin e deputetit Etem Arifi.

Përmes një postimi në facebook, Qorrolli ka thënë se kjo tregon se sa e dobët është demokracia jonë dhe sa të paaftë janë deputetët tanë për të kuptuar parimin themelor të demokracisë, ndarjen e pushteteve.

“Ai momenti kur çeshtja e denimit te plotefuqishem gjyqesor te ish-deputetit, Etem Arifi, shnderrohet ne mish per top be luften politike mes deputeteve te Kuvendit — tregon se sa e dobet eshte demokracia jone dhe sa te paafte jane nje soj deputetesh per ta kuptuar parimin themelor te demokracise: ndarjen e pushteteve!”, ka shkruar ai në Facebook.