Rrugët me një gjatësi prej 2.2 kilometrash brenda hapësirave të QKUK-së kanë nisur të shtrohen sot nga kompania për mirëmbajtje dhe ndërtim, ArboTec, e kontraktuar nga Ministria e Infrastulturës në bashkëpunim me Ministsrine e Shëndetësisë.

Projekti prej 180 mijë eurosh u lavdërua nga ana e drejtorit te ShSKUK-së, Basri Sejdiu, i cili në një prononcim për media tha se grreyrja dhe shtresimi i këtyre rrugëve ka qenë mëse i nevojshem.

Ai shtoi se me këtë ndërhyrje do të lëhtësohet qarkullimi për pacientët, personelin shëndetësor dhe në përgjithësi për gjithë qytetarët.

Ndërkaq, Ministri Pal Lekaj shtoi se këtë institucion shëndetësor e sheh si një vend në të cilin duhet të investohet edhe më shumë për të përmirësuar shërbimin ndaj pacienteve dhe se ky nuk do të jetë projekti i fundit që angazhohet dikasteri të cilin e drejtori ai.

Edhe Uran Ismaili nga Ministria e Shëndetësisë e ka përgëzuar gjithë këtë projekt, i cili është bërë me iniciativë nga ana e ministrisë të cilën ai e drejton dhe u shpreh i lumtur qe ka gjetur mirëkuptim nga ana e Pal Lekajt për të participuar në këtë projekt që pritet të përfundojë brenda 15 ditësh.