Google ADS

PZAP merr vendim për ankesën e LDK-së kundër Arben Vitisë

10:02 | 2 Nëntor 2021
A. B.

Paneli Zgjedhor për Ankesa dhe Parashtresa (PZAP) e ka hedhur si të palejuar ankesën e Lidhjes Demokratike të Kosovës kundër kandidatit për kryetar të Komunës së Prishtinës nga radhët e Lëvizjes Vetëvendosje, Arben Vitia.

LDK kishte paraqitur ankesë në PZAP kundër Arben Vitisë për shkak të shpërndarjes së materialit zgjedhor në ‘Facebook’, në zgjedhjet lokale të zhvilluara më 17 tetor 2021.

Në arsyetimin e vendimit të PZAP-së thuhet se ky vendim është marrë sipas Nenit 33 dhe 44 i Ligjit për Zgjedhjet e Përgjithshme, Rregullës Zgjedhore Nr.11/2013, Kodit të Mirësjelljes për Subjektet Politike, Mbështetësit e tyre dhe Kandidatët dhe Rregulla Zgjedhore Nr.13/2013 Fushata e zgjedhjeve dhe njoftimit për ngjarjet politike. /arbresh.info/