“Pushtimi” i veriut, arsye pse serbët po e braktisin FSK-në

09:47 | 9 Korrik 2018
Arbresh.info

Forcën e Sigurisë së Kosovës këto ditë e kanë braktisur afër 40 pjesëtarë të minoritetit serb.

Shkaqet për këtë braktisje, që portali i Beogradit “blic” e quan masive, janë të shumta.

Një nga to, thuhet aty, ka lidhje edhe me rrëfimet e shpeshtuara për “pushtimin e veriut të Kosovës” e populluar me shumicë serbe.

“Nëse do të ndodhte që FSK të niset në veri, ky praktikisht do të ishte ‘pushtim’ e në të cilën do të merrnin pjesë edhe serbët”, thuhet lidhur me këtë.

Arsye, sipas këtij portali, janë edhe presionet joformale të përhershme te pjesëtarët serbë në FSK në që kanë të bëjnë edhe me ato rreth formimit të Ushtrisë së Kosovës.

Përkujtohet se për krijimin e Ushtrisë së Kosovës duhet ndryshuar Kushtetutën pasi me aktualen formimi i Ushtrisë është i pamundur pa votën e serbëve.