Nënkryetari i Partisë Socialdemokrate, njëherit kryetar i komunës së Kamenicës, Qëndron Kastrati në një intervistë dhënë për arbresh.info është shprehur i vendosur se nuk do të bënin koalicion para apo pas zgjedhor me Vetëvendosjen.

Kastrati ka thënë se e njohin më mirë se kushdo tjetër partinë pjesë e së cilës kanë qenë deri 2 vite më parë.

“Jo nuk besoj me Vetëvendosjen, unë mendoj se në më mirë se të gjithë e njohim Vetëvendosje. Ne më shumë sesa te suksesi do të angazhohemi tek bindjet dhe zhvillimi shoqëror. Besoj se edhe u pa dhe nuk besoj se VV do të bëj transformim apo zhvillim në shoqëri”, ka thënë ai.

Sipas tij shpresat në VV janë vetëm iluzione.

“Unë e kuptoj qartë se shpresa ndaj tyre është shumë e madhe, por mendoj se këto janë iluzione të krijuara nga qytetarët”, ka përfunduar Kastrati. /Agnesa Çitaku /arbresh.info/

https://www.facebook.com/arbresh.info/videos/274604540519779/