Protestuesit serbë që po mbajnë të bllokuar rrugën në drejtim të pikë kalimit kufitar Kosovë-Serbi, në Jarinjë, kanë filluar të fyejnë pjesëtarët e Policisë së Kosovës.

Fjalë të ndryshme janë drejtuar në drejtim të policëve derisa po e bënin ndërrimin.

Krah protestuesve vazhdon të qëndrojë edhe zëvendëskryeministri i Kosovës, Goran Rakiq, njëhjerit edhe lider i Listës Serbe.

Policia e përkrahur nga KFOR-i po mbikëqyrë situatën në veri të vendit.

Aktualisht është e bllokuar edhe pika e kalimit kufitar në Bërnjak.

Ministria e Punëve të Brendshme apelon tek të gjithë qytetarët që të shfrytëzojnë edhe pika tjera të kalimit kufitar me Serbinë.

Ministri i Punëve të Brendshme, Xhelal Sveçla, ka nxjerrë vendimin përmes të cilit obligohet pajisja me targa të përkohshme për të gjitha automjetet që mbajnë targa të Serbisë dhe hyjnë në territorin e Republikës së Kosovës.

Vendimi që hynë në fuqi nga sot, parasheh po ashtu që pajisja me targat e përkohshme bëhet në të gjitha pikat e kalimit kufitar të Republikës së Kosovës./arbresh.info/

Kosova zbaton marrëveshjen e 2016’tës për targat, Policia vendoset në mbikqyrje në pika kufitare