Një banesë në katin e tetë të një ndërtese në Pejë është përfshirë nga zjarri pasditen e sotme.

Zëdhënësi i Policisë së Rajonit të Pejës, Fadil Gashi, ka konfirmuar se në vendngjarje kanë ndërhyrë menjëherë policia, zjarrfikësit dhe ekipi mjekësor. Për shkak të përhapjes së tymit në katet e sipërme, policia ka evakuuar disa banorë si masë sigurie.

Ndërkohë, zëdhënësi i Prokurorisë në Pejë, Shkodran Hoti, ka bërë të ditur për Arbresh.info se në vendngjarje ka dalë edhe prokurorja e rastit.

“Zjarri ka kapluar një banesë në qendër të qytetit, duke shkaktuar dëme edhe në disa banesa tjera përreth. Përveç njësive të zjarrfikësve, në vendngjarje gjenden prokurorja e rastit dhe eksperti i zjarreve, të cilët po punojnë për të konstatuar shkaqet që kanë çuar në këtë zjarrvënie”, tha ai./Arbresh.info

Banesa në Pejë përfshihet nga flakët, policia evakuon disa familje