Prokuroria Speciale e Kosovës, konfirmon faktin se ministri i Infrastrukturës, Lutfi Zharku është duke u hetuar për përfshirjen e tij direkt  në dallaveret me lejen për kyçje të kompanisë “Al Petrol” në rrugën nacionale në hyrje të në autostradës “Ibrahim Rugova” në Çagllavicë.

Zëdhënësja e Prokurorisë Speciale  të Kosovës, Liridona Kozmaqi i ka thënë “Arbresh.info se hetimet në këtë rast janë në fazën fillestare.

“Ju informoj se rasti për të cilin keni pyetur ndodhet në fazën e veprimeve fillestare policore (hetime preliminare). Ky është i gjithë informacioni që mund të bëhet publik në këtë fazë të hetimeve”, thotë Kozmaqi.

Ndërkohë,  një ditë më parë në një prononcim për “Arbresh. Info”, ministri Zharku pati thënë se raportimet për hetimin e tij janë vetëm sulme kundër tij.

Ndryshe, Arbresh.info ka raportuar se ministri Zharku po hetohet nga organet e hetuesisë lidhur me  përfshirjen e tij direkt në dallavere me leje për kyçje të kompanisë “Al Petrol” në rrugën nacionale në hyrje të në autostradës “Ibrahim Rugova” në Çagllavicë.

Sipas dokument eve të siguruara nga “Arbresh. Info”, Zharku ka bërë shkelje duke i lëshuar një herë leje  kompanisë “Al Petrol” ,  e pastaj duke ia revokuar, me qëllim të përfitimit, bashkë me disa zyrtarë të tjerë. /Arbresh.info/