Burim Çerkini, Prokuror në rastin e vrasjes së Oliver Ivanoviq, në fjalën e tij në seancën e së martës ka thënë se ka prova për 4 të dyshuarit që janë përgjegjës për vrasjen e ish-politikanit serb, Oliver Ivanoviq në vitin 2018.

“Prokuroria thekson se ka prova që dëshmojnë se 4 të pandehurit kanë qenë pjesë e grupit të organizuar kriminal dhe janë përgjegjës për vrasjen e politikanit Oliver Ivanoviq  më 16 janar 2018, që u qëllua plot 6 herë me plumba 9mm, nga një veturë e llojit Opel”, tha ai, raporton arbresh.info.

Sipas Prokurorit, vrasja është bërë me organizim, nga profesionistë.

“Prokuroria është e qëndrimit se të paktën 4 vite para vrasjes, grupi tanimë i akuzuar, kanë vepruar si organizatë kriminale, duke pasur edhe hieararki”, u shpreh prokurori.

Sipas Prokurorit, zyrtarët e akuzuar policor me qëllim ia kanë lëshuar rrugën kryerësit të vrasjes, duke keqpërdorur kështu detyrën zyrtare.

Për sa i përket provave, Prokurori është shprehur së ata do të nisen nga ekzaminimi i vendit të ngjarjes.M.D/arbresh.info/