Qytetari i Kosovës, Behar Preniqi, është arrestuar mbrëmë nga autoritetet serbe në pikën kufitare në Bajakovo, mes Serbisë dhe Kroacisë, me pretendimin se ka qenë pjesëtar i Ushtrisë Çlirimtare të Kosovës.

Por këto pretendime janë hedhur poshtë nga Organizata e Veteranëve të Luftës së UÇK-së, e cila ka deklaruar se Behar Preniqi nuk figuron në asnjë nga listat arkivore të saj dhe nuk rezulton të ketë qenë ndonjëherë anëtar i organizatës.

Edhe familja e Preniqit ka kundërshtuar pretendimet e autoriteteve serbe, duke theksuar se në kohën e luftës ai ishte vetëm 16 vjeç dhe, për rrjedhojë, i mitur për të qenë pjesë e ndonjë force të armatosur.

Lidhur me këtë rast, ka reaguar edhe Ministria e Punëve të Jashtme dhe Diasporës e Republikës së Kosovës, e cila ka shprehur shqetësim të thellë për rritjen e rasteve të arrestimeve arbitrare dhe të paprovokuara të qytetarëve kosovarë nga autoritetet serbe.

LEXO EDHE:

MPJD reagon ndaj arrestimit të Behar Preniqit: Ndërkombëtarët të reagojnë ndaj praktikave represive të Serbisë

Kosovari Behar Preniqi arrestohet në Serbi, po vinte nga Gjermania