Presidenti i Kosovës, Hashim Thaçi u ka bërë thirrje shqiptarëve të Luginës së Preshevës të dalin masivisht në zgjedhjet.

Ai shprehet i lumtur që spektri politik është bërë bashkë për një listë të përbashkët zgjedhore, shkruan portali arbresh.info.

Tutje Presidenti thotë se me vetëdije të lartë kombëtare dhe të bashkuar forcohet më shumë kombi ynë.

“Jam i lumtur që i gjithë spektri politik shqiptar në Luginën e Preshevës është bashkuar dhe në procesin zgjedhor atje po garojnë me Listën e Përbashkët të Shqiptarëve.

“Të gjithë bashkëkombësve shqiptarë në komunën e Preshevës, Bujanocit dhe Medvegjës u bëj thirrje që të dalin masivisht në zgjedhjet e nesërme dhe të votojnë për platformën e unifikuar politike të partive shqiptare.

“Duke qëndruar të bashkuar në mbrojtjen e të drejtave dhe lirive kombëtare, zëri i shqiptarëve në Luginën e Preshevës do të dëgjohet kudo. Me vetëdije të lartë kombëtare dhe të bashkuar në përgjegjësi politike e forcojmë më shumë edhe kombin tonë”, përfundon shkrimin Thaçi./arbresh.info/