Presidenti Hashim Thaçi në ditën e Kombeve të Bashkuara ka thënë se është koha që Kosova të bëhet anëtare e OKB’së.

Sot është dita e Kombeve të Bashkuara, ku edhe shënohet 75 vjetori i themelimit të Organizatës, kurse, Presidenti Thaçi ka thënë se në kohën kur njerëzimi po ballafaqohet me sfida të reja është momenti që tani Kosova të bëhet pjesë e Kombeve të Bashkuara.

“Roli i OKB’së në ndërtimin e paqes dhe stabilitetit në botë mbetet e rëndësishme. Sot, kur njerëzimi përballet me sfida të reja është thelbësore që ne të qëndrojmë të bashkuar në ruajtjen e një të ardhme të sigurt të vendeve tona. Tani është koha që Kosova të bëhet anëtare e Kombeve të Bashkuara”, ka shkruar ai në Twitter.

The role of the @UN in building peace & stability in the world remains important. Today, when humanity faces novel challenges it is crucial that we remain united in preserving a secure future of our countries. It is time, now, for #Kosovo to become a member of the UN. #UNDay

— Hashim Thaçi (@HashimThaciRKS) October 24, 2020