Presidenti i Republikës së Kosovës, Hashim Thaçi, ka pritur në takim ish-presidentin Fatmir Sejdiu, me të cilin ka diskutuar për procesin e integrimit euro-atlantik të Kosovës dhe për çështje tjera me interes për shtetin tonë.

Ish-presidenti Sejdiu e ka uruar presidentin Thaçi për detyrën e re, derisa presidenti Thaçi e ka falënderuar atë për punën që ka bërë në mandatin e tij si president në të kaluarën, thuhet në komunikatën e dërguar nga Presidenca.

Presidenti Thaçi dhe ish-presidenti Sejdiu kanë diskutuar edhe për reformat demokratike dhe sfidat e institucioneve si bartëse në rrugën e integrimit evropian, ku u shtrua edhe nevoja e forcimit të unitetit politik dhe qytetar.

Gjithashtu, pjesë e diskutimit të tyre ishte edhe roli i presidencës në politikën e jashtme dhe në forcimin e subjektivitetit ndërkombëtar të Kosovës.