Presidenti i Republikës së Kosovës, Hashim Thaçi ka ofruar Njësitet Emergjente të Forcës së Sigurisë së Kosovës për mbështetje të menjëhershme operacionale për të ndihmuar autoritetet e Australisë në shuarjen e zjarreve.

Këtë e ka bërë të ditur vet Thaçi përmes një njoftimi në Facebook.

“Kosova i qëndron pranë shtetit mik, Australisë, në këto ditë të vështira”, shkruan Thaçi në njoftim.

Thaçi ka postuar edhe letrën e dërguar guvernatorit David Hurley dhe kryeministrit Scott Morrison, ku ndër të tjera shprehë edhe solidaritetin dhe mbështetjen e popullit të Kosovës për popullin e Australisë në këtë situatë tragjike që kanë krijuar zjarret e shumta./arbresh.info

Postimi i plotë:

Në emër të qytetarëve të Republikës së Kosovës, përmes një letre drejtuar guvernatorit David Hurley dhe kryeministrit Scott Morrison, kam shprehur solidaritetin dhe mbështetjen tonë për popullin e Australisë në këtë situatë tragjike që kanë krijuar zjarret e shumta.

Atyre u kam ofruar mbështetje të menjëhershme operacionale të Njësive Emergjente të Forcës së Sigurisë së Kosovës për t’i ndihmuar në ndaljen e zjarreve.

Kosova i qëndron pranë shtetit mik, Australisë, në këto ditë të vështira! HTH