Misioni i OSBE-së në Kosovë ka organizuar konferencën “Korrupsioni i nivelit të lartë”. Në këtë konferencë, presidenti i vendit, Hashim Thaçi ka thënë se korrupsioni është një kërcënim serioz për të gjitha vendet në zhvillim e posaçërisht në Kosovë.

“Korrupsioni është një kërcënim serioz jo vetëm për vendin tonë por për të gjitha vendet në zhvillim, përpos pasojave që shkakton në ekonomi shkakton pasoja edhe në rrafshin e sigurisë”, ka thënë Thaçi.

Ai ka theksuar se duhet të jemi të pa kompromis në parandalimin dhe luftimin kësaj dukurie.

“Sundimi i ligjit dhe qeverisja e mirë duhet t’i luftojë këto dukuri negative. Në këtë drejtim Kosova ka marrë një sërë veprimesh në sundim të ligjit. Kemi krijuar mekanizma për luftimin e kësaj dukurie”, është shprehur presidenti.

Sipas tij, Kosova i ka kaluar disa sfida ndërsa disa të tjera i ka adresuar./Arbresh.info/

https://www.facebook.com/arbresh.info/videos/984972125032997/