Presidenca dhe shefi i zyrës së BE-së Samuel Zhbogar, nuk po pajtohen me pretendimet e avokatit të popullit Sami Kurteshi, se këto dy institucione po pengojnë një proces hetimi.
Nga ana e presidencës thuhet se asnjëherë nuk ka refuzuar t’i përgjigjet asnjë institucioni që është kategori kushtetuese.
Të pavërteta zyra e presidentes i quan deklaratat e Sami Kurteshit, i cili ka deklaruar haptas se presidentja po heziton të përgjigjet në pyetjet e kërkuara, raporton KTV.
Kurteshi ka akuzuar presidenten se po fsheh dokumente, pavarësisht se ky institucion është i obliguar të bashkëpunojë. Megjithatë, presidenca thotë se nuk ka penguar asnjë proces hetimor.
Ombuduspersoni ka përfshirë edhe shefin e zyrës së BE’së, Samuel Zhbogar, në akuzat e tij duke thënë se kryetari i Gjykatës Kushtetuese, Enver Hasani, kishte pasur kontakte më përfaqësuesit e BE’së për zgjatjen e mandatit të gjyqtarëve ndërkombëtarë, veprim ky të cilin Avokati i Popullit e cilëson antiligjor, transmeton Koha.net.
Në përgjigjën e dhënë KTV’së, zyra e BE-së akuzon vetë Ombuduspersonin për shkelje të protokollit diplomatik.
Avokati i Popullit insiston se janë bërë shkelje procedurale e ligjore kur është vazhduar mandati i tre gjyqtarëve ndërkombëtarë.
Si të bëni gjumë të rehatshëm
Tri mënyrat më të mira për t’i larguar dhimbjet e djegies ng...
Sarr largohet nga Chelsea, kthehet në Francë për të rigjetur...
Trump: Komentet e Kamala Harris për luftën në Gaza pasqyrojn...
Kurti u uron suksese sportistëve nga Kosova që po marrin pje...
Policia e Tropojës: Kemi kërkuar helikopter për të nxjerrë t...