Policia Kufitare e Kosovës njofton se: “Dje me datë 06.09.2021, rreth  orës 14:30, gjatë vëzhgimit në  fshatin Sllatinë, patrulla kufitare e Stacionit Policor për Mbikëqyrje Kufitare-Kërpimeh, gjatë realizimit të detyrave dhe përgjegjësive ka vërejtur  disa persona meshkuj  duke prerë dru në brezin kufitar”, transmeton Arbresh Info.

Po ashtu, “Me të hetuar patrullën policore, personat janë larguar  në drejtim të malit poshtë, mirëpo reagimi i shpejt i patrullës ka bërë që të  ndalohen dy persona meshkuj kosovarë, që ishin duke prerë dru me dy  moto-sharra”.

Gjithashtu: “Në vend-ngjarje janë hasur  të grumbulluara 40 trupa dru,  të gjatësive të ndryshme 10 deri 15 metra dhe diametër nga 20 deri 40 cm, një traktor, një ngarkesë (ram) me afro 7 deri 8   m³ dru dhe një tjetër gjysmë i ngarkuar me dru”.

Ndërsa lidhur me rastin, është njoftuar Dogana e Kosovës ndërsa në konsultim me prokurorin, të dyshuarit H.M (1976) dhe M.M. (1992) lirohen në procedurë të rregullt. Ndaj tyre është iniciuar rasti ‘kontrabanda me mall’.  Në këtë rast janë konfiskuar  dy moto-sharra dhe pesë radio-lidhje dore për komunikim të gjetura  në vend ngjarje, thuhet tutje në njoftim. /arbresh.info/