Analisti, Lumir Abdixhiku ka reaguar në facebook ndaj publikimit të videove ku shihet kurdisja e ndeshjeve në futbollin e Kosovës.
Ai ka thënë se mashtrimi është bërë normë e zakonshme e punës në Kosovë, duke thënë se i drejti sot merret si i marrë, e manipuluesi si i zoti, transmeton lajmi.net

“Mashtrimi është bërë normë e zakonshme e punës tek ne. Sot madje, i drejti merret si i marrë, mashtruesi e manipuluesi si i zoti ndërsa. Ky i fundit ja hedhë e ja del, sepse, siç thotë një shprehje e jona popullore ‘hajni hajnin nuk e ze’.” ka shkruar Abdixhiku në facebook.

Lexo postimin e plotë:

Kurdisje në futboll,

Kurdisje në tendera,

Kurdisje në aktgjykime,

Kurdisje në konkurse e punësime,

Në vota, në nota, në diploma, në mjekime, kurdisje prej çerdhes deri tek pensionimi. Vend i kurdisur krejt.

Mashtrimi është bërë normë e zakonshme e punës tek ne. Sot madje, i drejti merret si i marrë, mashtruesi e manipuluesi si i zoti ndërsa. Ky i fundit ja hedhë e ja del, sepse, siç thotë një shprehje e jona popullore “hajni hajnin nuk e ze”. Kapja kapës prodhon. Tash kapësi është model. Do të na duhen vite plot para se të pastrojmë kapjen në shtet e shoqëri. Prej politikës e deri tek futbolli e gjithçka në mes. E kanë flliqë!