Policia e Kosovës ka arrestuar një person në Gjilan, i cili dyshohet se ka shkarkuar dhe shpërndarë materiale me përmbajtje të abuzimit seksual të fëmijëve përmes rrjeteve sociale.

Arrestimi është kryer të premten nga Drejtoria për Hetimin e Krimeve Kibernetike, pas një periudhe hetimesh intensive.

Pas intervistimit, me urdhër të prokurorit, i dyshuari është dërguar në mbajtje, ndërsa hetimet po vazhdojnë.

“Gjilan 20.06.2025 – 11:00. Drejtoria e Hetimit të Krimeve Kibernetike, pas veprimeve hetimore ka identifikuar dhe arrestuar të dyshuarin mashkull kosovar i cili përmes rrjeteve sociale në mënyrë të vazhdueshëm ka shkarkuar dhe shpërndarë materiale me përmbajtje të shfrytëzimit dhe keqpërdorimit seksual të fëmijëve. Pas intervistimit me urdhër të prokurorit i dyshuari është dërguar në mbajtje”, thuhet në raport./Arbresh.info