Policia e Kosovës, ka sekuestruar afër 1 kg marihuan në veturën e një shtetasi të Kosovës, i cili kishte hyrë nga Shqipëria.

Sipas PK-së në pikë kalimin kufitar në Vërmicë, vetura të cilën e drejtonte i dyshuari Y.S 27 vjeç, pas dyshimeve të bazuara të Policisë automjeti është selektuar për kontroll në vijën dytë.

“Me datë 04.12.2021 rreth orës 21:05, në pikëkalimin kufitar në Vermicë, nga Shqipëria për në Kosovë ka hyrë një automjet me targa kosovare të cilin e drejtonte shtetasi kosovar me iniciale (Y. S.), viti i lindjes 1994, në Prishtinë.Pas dyshimeve të bazuara të Policisë automjeti është selektuar për kontroll në vijen dytë. Gjatë kontrollit më të detajuar nga Policia dhe Dogana e Kosovës, në pjesën e motorit të automjetit është zbuluar një sasi rreth një kilogram (1kg) substancë e dyshuar si marihuan e cila ishte e mbështjellur në një qese najloni”, njofton PK, shkruan arbresh.info.

Lidhur me rastin është njoftuar edhe Prokuroria Themelore në Prizren dhe me vendim të Prokurorit kujdestar i dyshuari dërgohet në mbajtje për 48 orë.

Rasti për hetime të mëtutjeshme adresohet tek Njësia rajonale e hetimeve të antidrogës në Prizren./arbresh.info/