Zëdhënësja e Policisë së Kosovës, Flora Ahmeti për arbresh.info, ka dhënë detaje për vdekjen e personit të dyshuar për plagosjen e dy grave në Fushë Kosovë.

Sipas Ahmetit, i dyshuari ka shtënë drejt policëve, përderisa ka baza të forta se plagosja që ka çuar në vdekjen e tij, ka ndodhur me vetë armën e tij.

“I dyshuari i armatosur, në përpjekje për t’iu shmangur arrestit policor në rrugën “Fehmi Lladrovci” në Fushë Kosovë, ka shtënë me armë zjarri në drejtim të policisë duke rrezikuar drejtpërsëdrejti jetën e policëve si dhe qytetarëve përreth, dhe me këtë rast ka bërë të domosdoshëm dhe të pashmangshëm ndërmarrjen e të gjitha veprimeve policore në përputhje me autorizimet tyre. Ndërkaq që sulmi ndaj policisë është neutralizuar i dyshuari në përpjekje e sipër për t’iu shmangur arrestit policor, në rrethana që aktualisht po trajtohen ka marrë plagë nga shkrepja e armës së zjarrit. Aktualisht përkundër që ka baza të forta dyshimi për vetëplagosje, policia bashkërisht me autoritetet e tjera relevante ligj zbatuese po heton me përpikëri të gjitha rrethanat që karakterizojnë rastin”, tha Ahmeti.

“Ndërkohë që po vazhdon ndërmarrja e veprimeve hetimore e ekzaminuese, i dyshuari është dërguar në QKUK për trajtimin e nevojshëm mjekësor, nga ku rreth orës 18:45 kemi pranuar informatën se personi ka ndërruar jetë”, thuhet tutje në njoftim.

Lexo edhe:

Vdes i dyshuari për plagosjen e dy grave në Fushë-Kosovë

Plagosje në Fushë Kosovë