Është gjetur trupi i pajetë i fëmiut 4 vjeçar i cili është raportuar i zhdukur nga pasdita e së hënës nga fshati Akrashticë e Vushtrrisë.

Ai dyshohej se ka rënë në kanalin e lumit Ibër-Lepenc vend ku edhe është gjetur viktima.

Lajmin për Arbresh.info e ka konfirmuar Zëdhënësi i Policisë së Kosovës për Rajonin e Mitrovicës, Avni Zahiti.

Zahiti tha se rrjedha e ujit e kishte dërguar trupin e viktimës në fshatin Bukosh të Vushtrrisë.

Sipas tij, trupi është nxjerr nga kanali i Ibër-Lepencit në fshatin Bukosh të Vushtrrisë.

“Rreth orës 12:00 ekipi i kërkim shpëtimin ka gjetur trupin e pajetë të katërvjeçarit. Dyshohet që katërvjeçari ka rënë në kanalin e Ibër-Lepencit në fshatin Akrashticë dhe nga rrjedha e lumit është gjetur në fshatin Bukosh”, ka thënë Zahiti.

Zahiti tha se për momentin trupi i pajetë i katërvjeçarit është dërguar në Institutin e Mjekësisë Ligjore (IML) për obduksion./Arbresh.info/

Lexo edhe:

Vushtrri: Një 4 vjeçar dyshohet se ka rënë në kanalin e Ibër-Lepencit