Policia e Rajonit të Prishtinës forcon masat për parandalimin e zjarrvënieve

16:46 | 17 Korrik 2024
E.G

Policia e Rajonit të Prishtinës ka intensifikuar përpjekjet për parandalimin e zjarrvënieve në zona fushore dhe malore, duke zhvilluar takime me institucionet kompetente dhe komunitetin.

Përveç takimeve, policia njoftoi se po organizohen aktivitete informuese, ku përmes shpërndarjes së fletëpalosjeve synohet ndërgjegjësimi i qytetarëve, shkruan Arbresh.info.

Aktivitetet po zhvillohen në të gjitha zonat e rajonit të Prishtinës dhe deri tani nuk është raportuar asnjë rast zjarrvënieje.

“Duke falenderuar komunitetin për bashkëpunimin e vazhdueshëm, apelojmë që të raportohet çdo incident zjarri në numrat emergjentë. Kujtojmë se zjarrvënia është një vepër penale e ndëshkueshme me ligj.”, thuhet në njoftimin e policisë./Arbresh.info/