Policia dhe Dogana e Kosovës parandalojnë edhe një rast të kontrabandimit me mallra

22:12 | 29 Nëntor 2023
E.H

Policia e Kosovës gjegjësisht Njësitet e Task Forcës – Lindje në bashkëpunim me Doganën e Kosovës kanë parandaluar edhe një rast të kontrabandimit me mallra.

Sipas njoftimit, sot njësitet e lartcekura kanë vërejtur një mjet të dyshuar, traktor me rimorkio të improvizuar, duke lëvizur nga fshati Tërnoc-Bujanoc në Serbi përmes rrugëve malore që lidhen me fshatin Hodonoc-Kamenicë të Kosovës, shkruan Arbresh.info

Gjatë kontrollit të mjetit janë gjetur të ngarkuara mallrat për të cilat i dyshuari L.I nuk kishte asnjë dokument përkatës, e që janë si në vijim: 330 sifona (mbledhëse uji) dhe 36 fontana (rezervuar uji ) për guacë të banjos.

“Lidhur me rastin të gjitha veprimet janë ndërmarrë në bashkëpunim me Prokurorinë e Shtetit, ku me urdhër të prokurorit kompetent malli i kontrabanduar sekuestrohet dhe do të dërgohet në Terminalin Doganor-Dheu i Bardhë”, thuhet në njoftim./Arbresh.info