Policia e Pejës njofton se ka arrestuar një person nga Prizreni si të dyshuar për plagosjen e një personi tjetër po ashtu nga Prizreni më 2 janar në Deçan.

Në bazë të hetimeve policia e Pejës konkludon se personi i plagosur dhe katër dëshmitarët që kanë qenë me të kanë dhënë version të rrejshëm të ngjarjes duke thënë se i plagosuri V.M(23 vjeçar) nga Prizreni është qëlluar nga një predhë që vinte nga fshati Isniq.

“Mbështetur në rezultatet e punës, hetuesit rajonal kanë ngritur versionin e hetimit , se ngjarja siç ishte raportuar nga viktima e rastit dhe dëshmitarët ishte jo e drejtë”, thuhet në komunikatën e Policisë.

Për këtë arsye hetuesit për vepër shkaktim i rrezikut të përgjithshëm kanë arrestuar më datë 20 janar shtetasin O.Sh (1992) nga Prizreni, të cilit iu ka caktuar masa e paraburgimit prej 20 ditësh.

Po ashtu në kallëzimin penal të hetuesve rajonal është përfshirë edhe shtetasi N.M.(1993) nga Prizreni , për veprën ‘Mbajtje në pronësi, kontroll ose posedim të paautorizuar të armëve’.

Arma për të cilën dyshohet se është përdor nga i dyshuari në rast, është konfiskuar si provë dhe është dërguar për t’u ekzaminuar.

Të gjitha veprimet hetimore janë koordinuar me prokurorin e shtetit.

Rasti i plagosjes së V.M kishte ndodhur më 2 janar në rrugën “Luan Haradinaj” në Deçan, përkatësisht në vendin ke ‘Ura e Demës’.

Në atë kohë vetë i plagosuri dhe katër dëshmitarët që ishin me të duke qarkulluar me mjetin ‘Golf 6’, kanë njoftuar policinë kinse janë ndaluar tek vendi i cekur për nevoja fiziologjike’ dhe papritmas viktima ishte rrëzuar për tokë , sepse ishte qëlluar nga një predhë , sipas tyre që ka mund të vije nga fshati Isniq apo aty dikund për rreth tyre.q