Seanca e radhës e Kuvendit të Kosovës do të mbahet nesër, duke filluar prej orës 10:00. Në një komunikatë për media të Kuvendit të Kosovës thuhet se do të jenë 10 pika të rendit të ditës, ku mes tjerash edhe përzgjedhja e anëtarëve të Organit Shqyrtues të Prokurorimit Publik.

Rendi i ditës

1. Koha për deklarime jashtë rendit të ditës,

2. Koha për pyetje parlamentare,

3. Miratimi i procesverbalit nga seanca e mëparshme,

4. Formimi i Organit Përzgjedhës të Pavarur për përzgjedhjen e anëtarëve të Organit Shqyrtues të Prokurimit Publik,

5. Shqyrtimi i parë i Projektligjit për mbrojtjen nga zhurma,

6. Shqyrtimi i dytë i Projektligjit për Administrimin e Pasurisë së Sekuestruar dhe të Konfiskuar,

7. Shqyrtimi i Raportit të Komisionit për Shëndetësi, Punë dhe Mirëqenie Sociale lidhur me mbikëqyrjen buxhetore të Skemës së Ndihmës Sociale për periudhën 2013-2015,

8. Shqyrtimi i Raportit të punës së Agjencisë Kosovare të Privatizimit për vitin 2014,

9. Shqyrtimi i Raportit të Komisionit për të Drejta dhe Interesa të Komuniteteve dhe Kthim lidhur me mbikëqyrjen e zbatimit të Ligjit për Fshatin Hoçë e Madhe dhe Ligjit për Qendrën Historike të Prizrenit,

10. Emërimi i një (1) anëtari të Bordit për Komisionin e Pavarur për Miniera dhe Minerale.