Policia e Kosovës  sot gjatë ditës është njoftuar për një përleshje fizike mes di personave në Pejë.

Sipas komunikatës për media e dërguara nga policia, personat e dyshuar kanë ikur nga vendi i ngjarjes.

Pas kontrollimit dhe shikimit të kamerave të sigurisë në një lokal nga policia, vërehet se njëri ndër të dyshuarit posedonte një armë zjarri.

“Pas një pune intensive nga hetuesit e Stacionit Policor në Pejë, janë arrestuar dy nga të dyshuarit, dhe me urdhër të Gjyqtarit të procedurës paraprake, janë bastisur banesat e personave tё dyshuar” – shkruhet në komunikatën e policisë, përcjell arbresh.info.

Ndërsa bëhet e ditur se  është konfiskuar një pistoletë e tipit Stoeger, dy karikator të kësaj pistolete 18-të fishekë dhe një pistoletë tjetër e cila është shpreksë.

“Dy të dyshuarit pas intervistimit nga ana e hetueseve, me urdhër të prokurorit ndalohen për 48- orë, ndërsa njëri nga personat e dyshuar ende gjendët në arrati”, shkruhet në vazhdim të komunikatës. /arbresh.info/