Përleshje me thikë në Prishtinë, lëndohen katër persona – Policia arreston tre të dyshuar

18:14 | 3 Tetor 2024
E.H

Katër persona janë lënduar, njëri nga ta është therur me thikë, pas një përleshje që ka ndodhur sot rreth orës 17:00 në rrugën “Agim Deva” në Prishtinë.

Lajmin për Arbresh.info e ka konfirmuar zëdhënësja e policisë për rajonin e Prishtinës, Flora Ahmeti.

Ahmeti tha se lidhur me rastin janë arrestuar tre persona.

“Sot rreth orës 17:00, kemi pranuar informatën për një rrahje në rrugën Agim Deva në Prishtinë ku kanë qenë të përfshirë disa persona. Në këtë rast dyshohet se janë lënduar katër persona , njëri nga ta dyshohet se ka pësuar lëndime nga një mjet i mprehtë (thikë). Lidhur me këtë rast janë deri tani janë arrestuar tre persona. Policia në koordinim me prokurorinë po ndërmerr veprimet e nevojshme procedurale”, tha Ahmeti./Arbresh.info