Për rreth dy orë rruga për qarkullim në drejtimin Mitrovicë-Jarinjë do të mbyllet.

Kështu ka bërë të ditur Policia e Kosovës, raporton arbresh.info.

Mbyllja e kësaj rruge, sipas policisë në orët e mesditës do bëhet pasi njësitet e KFOR-it do të largojnë kamionët e dëmtuar që ishin vendosur si barrikada.

Po ashtu, për shkaqe pune dhe sigurie, nga mëngjesi një korsi e rrugës mbyllet për qarkullim në lokacionin e quajtur “Përroi i Zhazhës”.

“Policia e Kosovës përmes këtij njoftimi zyrtar bën të ditur se sot njësitet e KFOR-it do të largojnë mjetet e rënda (kamionët) e dëmtuar, të cilët kanë qenë të vendosur në lokacionin e quajtur “Përroi i Zhazhës”. Për shkaqe pune dhe sigurie, nga mëngjesi një korsi e rrugës mbyllet për qarkullim, përderisa në mesditë përreth dy orë do të mbyllet komplet rruga për qarkullim në drejtimin Mitrovicë – Jarinje, deri sa të largohen mjetet e rënda, për t’u mundësuar qarkullimin dhe lëvizjen e lirë të mjeteve dhe qytetarëve”, thuhet në njoftim./arbresh.info/

Njoftimi i plotë:

Njoftim zyrtar

Prishtinë, më 05 janar 2023

Policia e Kosovës përmes këtij njoftimi zyrtar bën të ditur se sot njësitet e KFOR-it do të largojnë mjetet e rënda (kamionët) e dëmtuar, të cilët kanë qenë të vendosur në lokacionin e quajtur “Përroi i Zhazhës”.

Për shkaqe pune dhe sigurie, nga mëngjesi një korsi e rrugës mbyllet për qarkullim, përderisa në mesditë përreth dy orë do të mbyllet komplet rruga për qarkullim në drejtimin Mitrovicë – Jarinje, deri sa të largohen mjetet e rënda, për t’u mundësuar qarkullimin dhe lëvizjen e lirë të mjeteve dhe qytetarëve.
Përgjatë kësaj kohe njësitet policore do të asistojnë KFOR-in, si dhe do të ri-orientojnë trafikun.