Pensionohet koloneli i FSK-së Sefer Shyti, Maqedonci e dekoron me medaljen “Shërbim i shquar”

13:05 | 18 Dhjetor 2025
E.H

Ministri në detyrë, Ejup Maqedonci ka ndarë medaljen “Shërbim i shquar” për kolonelin Sefer Shyti me rastin e pensionimit të tij.

Me anë të një postimi në Facebook, Maqedonci tha se kjo medalje është me motivacion për shërbim të jashtëzakonshëm dhe meritor në Forcën e Sigurisë së Kosovës dhe në Ministrinë e Mbrojtjes.

“Në këtë takim të veçantë, i shpreha mirënjohjen e lartë për kontributin dhe sakrificën e madhe të tij në Luftën Çlirimtare, për angazhimin e pandërprerë në TMK, FSK dhe në Ministrinë e Mbrojtjes, si dhe për profesionalizmin e treguar në ndërtimin dhe zhvillimin e mëtejshëm të institucioneve tona të sigurisë. Pensionim të qetë, shëndet dhe të gjitha të mirat në jetë Kolonel”, ka shkruar Maqedonci./Arbresh.info