Ministri në detyrë i Bujqësisë, Faton Peci prej gati tri orësh po vazhdon të intervistohet në cilësinë e të pandehurit nga Prokuroria Speciale e Kosovës, në kuadër të hetimeve për rastin e dyshuar të fabrikës së mbetjeve shtazore.

Lajmin për Arbresh.info e ka konfirmuar zëdhënësja e Prokurorisë Speciale, Arbnora Luta.

Ndryshe, intervistimi po zhvillohet pas bastisjeve që u kryen sot në katër lokacione të ndryshme me urdhër të prokurorisë.

Përveç Pecit, edhe drejtori i AUV-it, Bekim Hoxha është duke u intervistuar nga Prokuroria.

Prokurori i rastit, Admir Shala, bëri me dije para gazetarëve se janë ndërmarrë veprimet e nevojshme për zbardhjen e rastit.

“Prokuroria Speciale ka filluar një hetim lidhur me dhënien në shfrytëzim të fabrikës për përpunimin e nënprodukteve shtazore. Jemi duke i zhvilluar bastisjet, në bazë të urdhrit të Gjykatës Themelore në Prishtinë, me kërkesë të Prokurorisë Speciale, me qëllim të sigurimit të informacioneve të nevojshme, drejt zbardhjes së rastit konkret.” , tha Shala para mediave./Arbresh.info

LEXO EDHE:

Faton Peci po intervistohet nga Njësia e Veçantë Hetimore